Samuranın Asiya səfəri…! Bəzən, dərimizə belə toxunurlar.

Qısa qısa Elçinin dostu Samuranın çıxışından Asiya səfərilə bağlı çıxışlardan qeydləri sizə çatdırıram. Elə öz dilindən dediklərini nəql edəcəm yazılı olaraq…

Başlayaq Vyetnamdan. Vyetnam yol hərəkət qaydaları xaotikdir və xaosun içindən yalnız intuisiya ilə çıxırlar. Qısacası intuitiv sürürlər maşını. Qida və xidmət sektoru çox ucuzdur. İnsanların həyat şəraiti və qazancları aşağıdır.

Çin isə bütün şəhərləriylə bir birindən fərqlənir. Şəhərlər bir birindən gözəl və fərqlidir. Topdan və pərakəndə qiymətlər fərqlidir. İnsanları çox mədəni və qonaqpərvərdir, hətta xoş xasiyyətlidirlər. Misal, bir ünvan və ya küçə soruşanda tam izah edirlər. Mehribandırlar. Bizə avropalı deyirlər və bizlə şəkil çəkdirirlər. Bəzən dərimizə belə toxunurlar.

Yaponiya, daha çox işgüzar və hətta artıq işkolik, bəzən 12-14 saat işləyirlər. Daim üzlərində yorğunluq var. Gəncləri daha çox alkola meyillidirlər.

Koreya gəlincə, Seul məndə başqa bir iz qoydu. Dahası da çox oldu. Yollar geniş, bənzərsiz inkişafı gördüm. Bir daha getmək istərdim.

Gələk Honkqonqa. Honqkonq isə Çinin inzibati ərazisi olmasına baxmayaraq, Çindən ayrı bir dövlət kimi inkişaf edib. Demək olar Sinqapur səviyyəsində. Müasir, elit təbəqə və yaşam tərzi həddindən bahadır.