Bugünki mövzunu daha çox üstünlük sıralaması və ya əhəmiyyət sırası (priority list) ilə bağlı yazmaq istərdim. Bu həm şəxslər fonunda həm də hədəflər aspektində ələ alınacaq. Bu neçə müddətdir həm özümün, həm də dostlarımızın müşahidəsindən yaranan fikirləri bölüşəcəm.

Bizlər üstün olan sıralamanı unuduruq. Tez tez unuduruq. Sanki onu heç hazırlamamışıq. Sanki, mövcud da deyil. O zaman atacağımız addım yazılı hala gətirmək. Söz uçar, yazı qalar!. Yazaq bir kənara və onun üzərindən hərəkət et.

Bir digər çıxış yolu, əhəmiyyət sırasını mühitindəki ən vacib adamlarla bölüşəsən, onlar bundan xəbərdar olsun. Onlar, sən yolunu çaşanda sənə desin, xatırlatsın! Əks halda sən yolunu şaşırarsan.

Hansı hallarda bu siyahı tərs mərs olur? Günlük dəyişən hadisələr, həyatımızda və çevrəmizdə baş verən dəyişikliklər bizi buna sürütdəyir. Halbuki, bu dəyişikliklərə reaksiya verməyə də bilərik, və ya versək belə qısa və ya müddətli ola bilər. Axmaqcasına, bizi o kiçik və ya orta dəyişikliklərə tabeli göstərib, özümüzü itiririk. Vacib olanları arxaya atırıq!

Hələ həyatımızda ən vacib olan insanları unutmağımız, onları görməzdən gəlməyimiz, sanki yoxdurlar! Yenicə həyatına girən adam sanki illərin dostu kimi davranılması!? Ya sən marağındasan, ya da başın qaçıb!? Diqqətli olaq bəylər və xanımlar, çox diqqətli!