Slava Ukrayna!

Son səyahətimdə apardığım müşahidələrdən görünən odur ki, ukraynalılar bütün Avropada qaçqın statusuyla yaşayırlar və ya ölkə dəyişirlər. Onların bu vəziyyəti təbii ki, üərk açan deyil və mənə keçmişdə yaşadıqlarımızı xatırladır. Onlarla bağlı bəzi qənaətlərimi bölüşmək yerində olar.

Ukraynalılar getdikləri ölkələrdə işləyirlər və ya işləmirlər. İşləmədikləri halda müavinət alırlar və işlədikləri halda müavinıt almırlar. O səbəbdən işləmirlər və müavinətlə həyatlarına davam edirlər. Maraqlısı odur ki, bəziləri işləmir rəsmi olaraq, amma eyni zamanda işləyir. Həm müavinət alır, həm də işlədiyin işdən pul da qazanır. Ümumi götürəndə əmək bazarına ciddi təsir edirlər. Xüsusilə də qiymət amilindən çıxış etdikdə. Əmək ucuzlaşıb və 3-cü dünya ölkələrindən gələn hərkəs üçün ciddi təhdidə çevrilirlər. Taksi kimi fəaliyyət olsun, əl işi olan usta fəaliyyəti olsun və ya sizə deyim sənətkarlıq olsun, ciddi üstünlüyə sahibdirlər.

Getdikləri ölkədə əlbəttə ki, boş olan sahələr haradırsa orda görünməkləri təbiidir. Misal, küçələrdə və əsas meydanlarda onların musiqi ifaları çox xoş təsir bağışlayır. Gecə klubları var ki, özləri işlədir. Əyləncə sektorunda eyni rəqabəti yaradırlar. Restoranlarını görməyə başlayırsan.

Təəssüf ki, insan alveri də özünü gizlətmir. Fahişələr və eskort fəaliyyətləri də mövcuddur. Bir xeyli ukraynalı kişi ölüb və bu da ya qardaş, ya da ər deməkdir. Geridə qalan qadınlar başsız və acımasız həyat onları gözləyir. Göründüyü kimi, ukraynalılar ayaqda qalmağa çalışırlar və bu da hər nə olur olsun onların mövcudluğuna xidmət edir.

Slava Ukrayna! Taleyimizdə oxşarlıqlar çoxdur. Haqlı müharibəniz öz yerini tapacaq!