Gəlin qonağımız olun!

Azla çoxu əldə etməyi bir düşüncə olaraq hər zaman yaxın ətrafım məndən eşidir. Bilirlər ki, yaşam tərzim də budur. Azla çoxu əldə etmək bir stoik fəlsəfəsi. Azla çoxu əldə etmək bir Pareto prinsipidir. Yaxınlara bir yaşadığım xoş bir hadisəni sizlə paylaşmaq qərarına gəldim.

Yaxın dostumuzun bir mülkünü dəyərindən aşağı alınca, bu sevincli xəbərə digər dostumuz şahid oldu. Gözlənilmədən, mən də bu mülkə ortaq ola bilərəmmi deyincə, düşünmədən hə dedim. Dedim, amma sonra düşündüm. Qazancı bölməliyəm. Paylaşmalıyam. Belə olunca ağlıma gələn o oldu ki, demisən elə.

Zaman keçdi, çox keçmədi. Başqa bir mülk təklifi ələ gəldi. Belə ki, bazar dəyərindən aşağı bir böyük mülk təklif olundu. Əldə də pul yoxdur o qədər. Olmayınca, ağlıma ilk elə mənə şərik olan dostumuz gəldi. O artıq mənə ondan bir şey istəməyə icazə verib. Çəkinmədən ona təklif etdim ki, sənin pulunla gəl bunu alaq və sataq. Cavab nə oldu sizcə?

Cavab hə oldu(Allah ondan razı olsun). Bu mülk birinci aldığımız mülkdən bir neçə qat baha oldu. Dostlar, nəhayətində aldıq o evi. Çox zülümlə də olsa aldıq. Ancaq aldıq. Bu hadisədən sonra doğru yolda olduğumu özümə bir daha isbat etdim. Gəldiyim fikirlər isə bunlardır. Horizontu genişlət. Daha da genişlət. Düşüncə horizontunu. Bir hadisəni tez özündə özünküləşdirmə. Özünküləşdirincə, onda mənafe və eqo bərkiyir. Bürür səni. Amma ötəkiləşdirmə də. Sənə gələni əlinlə itələmə. Aradakı balansı tut. Saxla əlində. Hərkəs payın alsın. Ancaq bölüş. Bölüşüncə, tarazlığı qoru. Tarazlıq sənin həyat boyunca əldə etmək istəyəcəyin hədəf və məqsəd olmalıdır. Balansı qur. Elə bugün qur. Məndə qurdum. Necə? Necə desəniz? EvI, sənədli sübutlu paylı mülkiyyət şəklində aldıq.

Gəlin qonağımız olun! Şəkil evə aiddir.